هل البنت الغير محجبه غير محترمه؟؟

اختى في الله يسرني ان اكون اول من يرد على موضوعك الجميل والهادف باذن الله
الحجاب امر نا به الله سبحانه وتعالى في قوله تعالى في كتابه الكريم
(يأيها النبي قل لأزواجك وبناتك يدنين عليهن من جلابيبهن) صدق الله العظيم
يبقى السؤال هل الغير محجبه غير محترمه
رحم الله امرىء عرف قدر نفسه الاخلاق واحترام الذات ليس منوط بالحجاب بس المعروف لدى الجميع ان من تحترم ذاتها
وتحافظ على دينها وتلتزم باوامر الله وتسلك الطريق الصحيح تكون ذات مفخره لدى الكل
ومن تعمل عكس كل ذالك ينظر لها الكل بمنظار الدون والقله والسخريه والازدراء
فياحبذا اختي المسلمه ان تسلكي الطريق الصحيح الى الله وتتمسكي بحجابك ليرضى الله عنكي
تسلمي اختى لى لى على موضوعك الهادف وتقبلي مروري

اسيره دموعى نورتى التوبيك بكلامك الجميل ده ويارب دايما ربنا يهدى الجميع

مش شرط يا لى لى ان الغير محجبه تكون مش محترمه زى ما قال ميدو كتير محترمين وبشعرهم وكتير محجب ومش محترم ربنا يهدى شباب وبنات المسلمين

الحجاب يا شباب ه فرض على كل بنت مسلمة بالغة والالتزام بالحجاب هو عفة وطهارة للبنت وتحميها من مخاطر كثيرة وبالنسبة لربط الحجاب بالاحترام فلا علاقه بين هذا وذاك ، البنت المحترمة سواء كانت محجبة أو لا فهى محترمة فى كلامها وتصرفاتها ومعاملتها مع الناس جميعا والبنت عموما يجب ان تكون ملتزمة فى ملابسها سواء كانت محجبة أو لا فاحيانا نشوف حجاب ملفت للنظر أكثر من لو كانت الفتاة غير محجبة وفى النهاية ولا اريد الاطاله الواجب على كل بنت الالتزام فى ملابسها وكلامها وتصرفاتها بما يرضى الله ومشكورة لىلى وجزاكى الله خير

مرسيه لمرورك يا هتسبنى بجد واجابتك على كل الاسئله
مرسيه انا اسف لمرورك
وربنا يهدى الجميع

جميل موضوعك يا لىلى انا فى نظرى الاحترام مش شر ط الحجاب فى بنات ملتزمه بالحجاب بس مش محترمه وفى بنات مش ملتزمه بالحجاب واخلاقها عاليه جدا وده يرجع للتربيه من الاول بس اكيد كل بنت تفكر ان الحجاب ده حاجه فرضها علينا ربنا سبحانه وتعالى وربنا يهدى الجميع تسلمى على موضوعك الجميل يا لىلى تقبلى تحياتى

هل البنت الغير محجبة غير محترمة ؟
اكيد لا اصلي مافيش قاعدة للشخص المحترم ومش اللبس هو اللي بيحدد ماكتير من البنات مش محجبين ولكن ملتزمين ولبسهم كويس وبعدين اصلي في فرق مابين واحدة مش محجبة وبتلبس لبس فظيع وضيق واللي الواحد بيشوفة اليومين دول وتقولك بصلي دا ماهو صلاتها مش نهايها عن الغلط اهوة تبقي دية مش محترمة
لكن بنت مش محجبة ولابسها كويس ومعتدل وبتصلي تبقي محترمة فااكيد كل حالة وليها ظروفها

وفي بنات كتير اوي محجبين ورغم كدة معاملتهم مش محترمة اطلاقا وزي ما ضئ القمر قالت في بنات محجبين ولابسهم ملفت اكتر من غير المحجبة يعني الموضوع راجع للشخصية

وبالنسبة لان البنت المحجبة وحشة او حاجة بالعكس دا معروف ان الشعر بيزيد جمال المراءة لذلك البنت اللي يكون شكلها امور وكويس بالحجاب اكيد يعني بتكون جميلة من غير ة ولكن لان ربنا فرض الحجاب علشان البنت ماتسببش فتنة للولاد بشعرها فهي لابسة واللي يقول كدة زي ماهتسيبني قال بيكون معقد

وانا اسفة لو كنت طولت عليكم شكرا لي لي علي الموضوع الجميل