اسئله تغيظ وتخنق!!!!!

حاجه اكيد كلنا بنعاني منها وبنتخنق منها
دي اساله بتغييييظ وبتفقع المراره
(1)
وانت لابس هدومك ومتانتك واخر شياكه وحاطط برفان ومفاتيحك وموبايلك معاك ورايح ناحيه الباب حد من اهلك يسالك ايه انت خارج ؟؟؟
لا طالع فوق السطوح اشم هوا
(2)
منزل راسك ونازل دح ومذاكره فالكتب , يجي برده حد من اهلك ... ؛ ايه بتذاكر؟؟
لا بلعب..!!! بس الوضع بيوحي اني بذاكر
(3)
معزومين عند جماعه اصحابكو, ولما بتخبطو عالباب .. بيفتح واحد بس فهيم شويه بيقول في دهشه ؛ غريبه هه انتو جيتو؟؟؟
لا لسه بالطريق ؛ بس ده خيالنا سبقنا
(4)
وانت ماسك سماعه التليفون وبتبدا تضرب الرقم , بيجيلك عنصر مفاجئ من اهلك وعلي وشه علامات استغراب ؛ انت هتتكلم فالتليفون؟؟؟
لا اتكلم ايه !!! انا ببس جرب صوت الزراير
(5)
واحد رايح لجماعه اصحابه وشايف الشارع كله ضلمه والجواب بيبان من عنوانه , ايه هو النور قاطع ؟؟؟
لا حبيبي شكلك هتتعمي
(6)
وانت راكب تاكسي وخلاص وصلت وعايز تنزل ؛ علي اليمين لو سمحت .... بتلاقي رد غريب , انت نازل هنا ؟
لا والله بجرب صوتي
(7)
وانت نايم بسريرك وطافي النور ومتغطي وبقك مفتوح ومغمي عيونك, بيجي حد من اهلك بيقولك ؛ ايه هتنام ؟
لا !!!! برقص ... بس الوضع بيوحي اني هنام
(
مذيعه في اول يوم العيد بتلفلف فالشوار وبتسال الناس وبنفس الوقت هيا اللي بترد , بتعمل ايه في اول يوم فى العيد ؟ اكيد بتزور اهلك والاقارب
لا بفكراللعب استغمايه ومازورهمش
(9)
نفس المذيعه الحلوه بتشوف ولد فالشارع وبتساله , بتحب بابا وماما؟
لا مابحبهمش !! بحبك انتي يالذيذه
(10)
واحد بيشاور لتاكسي بايديه الحلوه ,وفعلا وقفله , بساله؛ فاضي ياسطه ؟؟؟
لا .... عندي عشر طلبات , بس وقفت غلاسه



اكيد طبعا اتخنقت مني بس والله ماليش ذنب


انا كمان اتخنقت اوي من الاسئله دي قولت اخنقكم معايا مش احنا اخوات ولا ايه؟