سؤال للبنات وياريت تردوا عليه بصراحة..والشباب كمان ممكن يشاركوا معانا

لو انتى حبيتى واحد وطلب منك انك تستنية 3سنين علشان تعملوا خطوبة زكمان 3 علشان الجواز ...وانتى حاليا بتدرسى فى الجامعة ...تفتكرى هتعملى ايه؟

هتستنية ......ولا مع اول فرصة هتنفضيلة ...

المشكلة من وجهة نظرى مش فا6سنين المشكلة فى الخوف ان العلاقات دى نادرا جدااااااااااااااااااااااااا جدااااااااااااااااا مابتكمل...


بجد نفسى اعرف ارائكم.

الف شكر ليكي كرمالك
وانا مع لي لي انة لازم يجي البيت علشان تكون خطوبة
وحتي علشان احس انة بيتكلم جد مش هزار وبيلعب بيا
ولازم كمان احسة فعلا بيدور علي شغل وبيجتهد لكن لو مش حاسة انة مهتم اصلا ورابطني معاة وخلاص يبقي اكيد مش هستني

الف شكر كرمالك

شكرا كرمالك الجميلة على الموضوع الحلو ده
هو مش مشكلة عدد السنين اد ما يكون واضح وخطواته واضحة وله مبررات لهذه السنين ويكون فعلا بيحبك ويبذل قصارى جهده ليكلل هذا الحب بالزواج ،وعلشان الفترة الطويلة دى لازم طبعا الأهل يعرفوا انا مع لىلى وبينك فى النقطة دى،لازم كل حاجة تبقى فى النور ولو ان احيانا كثيرة هذه السنين بتسبب مشاكل اكتر من القرب والتفاهم
شكرا كرمالك

تسلمى لىلى على المورور

مشكوره بينك على المورور

مرسى اوى ضى القمرررررررر كلامكم جميل جدااااااا بدال الاهل موافقين وبدال فى حب وتفاهم ممكن نستنا وايه يعنى السنين هنفهم بعض اكتررررررررررر تقبلوا تحياتى

موضوع جميل بجد لو انا واثقة منه تمامن حستناه لو متاكدة انا حيكون ليه بس مش دية المشلة المشكلة انا مش انتى الى عايشة لوحدك فى عائلة وفى ضغط بس الحب قوى من كل شى لكن فى الوقت الحالى صعب جدا انك تلاقى حب بجد وصعب جدا انك تثقى فى حد يعالم فى التلات سنين دولات يقابل حد تانى ولا ايه صعب انك تثقى بحد

تسلمى دنيا على الموروررررررررر

يا جماعة المشكلة مش فى كدة و بس
المشكلبة فى ان الانسان دة راجل ولا لا الثقة اللى اخدها من البنت دية من مجرد كلام ولا من فراغ المهم دلوقتى ان البنت لازم تفكر هل الشخص دة جد ولا هزار شخص راجل ولا اى كلام شخص يعتكد علية فعلا ولا لا و دية المفروض البنت تشغل دمغها فيها مش مشاعرها و بس لو الشخص دة يستاهل صدقسنى استنيةالعمر كلة و سلامى لكل اللى موجودين و اخبارك اية يا لولة
ياى

صعب يجي البيت وهو مش مستعد علشان ميتحرجش ممكن يكون الاب شديد وميوافقش ولا ايه يا جماعه انما ممكن يتكلم مع مامتها او اخوها لو متفهم الوضع وكمان في بنات كتير ممكن تستني لان البنت عاده عاطفيه انما هو ممكن يمل او يزهق منها او معاملتوا تتغير معاها وهي ممكن تبتدي تقول اشمعني انما لو الاتنين بيحبوا بعض قوي قوي وده صعب اليومين
دول يبقي هيستنوا بعض انما الخسرانه في الموضوع ده البنت عارفين ليه علشان البنت لو استنت مع مشكله المجتمع بتاعنا ان البنت لو وصلت لسن معين يبقي الكل يبتدي يتكلم عليها وياعيني عليها لو هو سايها هيلاقي غيرها طبعا لان هو هيكون كون نفسوا بس هي هتكون كبرت وصعب تلاقي حد كويس ودي مشكله كبيره يبقي قبل ما تطالبوا البنات ان هي تستني البنات تطالبكم بقي بحاجه واحده الاخلاص و الوفاء لان بجد قلت قل قوي قوي الاخلاص اليومين دول

مشكوره على المورورررررررررر تقبلى فائق احترامى

هاى كرمالك المشكله مش فى السنين صح المشكله الاكبر فى المشاكل صدقينى انا مريت بالتجربه دى مع ان كان فيه حب بنا فوق الوصف بس المدة الكبيرة الا فضيناها مع بعض دا المشكله نفسها المدة كبيرة اوى اوى واخرها مشاكل كتير اوى وانا اتمنى انها ماتحصل يعنى تحولى تتكلمى معه وهو لو بيحبك بجد هايبقى نفسه يتجوزك فى الحال مش السنين دى كلها وصدقينى لو انتوا مع بعض فى بيت واحد هاتبقى افضل من انكوا بعيد وصدقينى هاتهون كل حاجه عشان الحب مابنكوا وانتوا كمان مع بعض وفهمين ببعض مش معنى كدا انك تبعدى لا بس تحولوا تقربوا شويا المدة وتحولى تتدخلى جواه وتهونى عليه اى شى ممكن يكون مخليه باعد المسافه كدا ويارب بالتوفيق ديما كرمالك

مرسى زوزو على المورورررررررررررررر :mnn: