زمن الرجالة .........

قرات هذا المقال فى جريدة وعجبنى ويا رب يعجبكم

زمن الرجالة انتهى ........

مش عارف ليه حاسس ان دلوقتى بقى زمن الستات أو بمعنى أصح البت هى اللى ممشية الراجل على عجين ما يلخبطوش رغم ان الراجل يا عينى بيدغدغ فى الشغل ويطلع عين أمه علشان يجيب الفلوس للهانم اللى قاعدة فى بيتها تصرف وتبعزق وتعمل كل اللى هيا عايزاه ..وبعدين أصحابى قبل ما يتجوزوا كانوا زى الفل خروج وفسح واللى كنا عايزين نعمله بنعمله ..وكان كل واحد يتصل يقوللى ايه يا عم بطيخة مفيش خروج النهاردة ولا ايه ياللا يا عم بلاش كسل عندى ليك فسحة جنان لدرجة انهم كانوا بيبوسوا رجلى علشان نخرج.

اما دلوقتى فحظ بطيخة المهبب ان معظم اصحابى اتجوزوا وكل لما أكلم واحد فيهم علشان نخرج ..واحد يقوللى اصل عندى انتفاخ فى بطنى ومش قادر انزل واللى واخد على قفاه من مراته واللى أصل حبيبتى خارجة رايحة مش عارف فين ولازم اوصلها ..الأجمل ان بطيخة صمم فى يوم انه يخرج مع ثلاثة زيكو وتموور وهيما .

زيكو أول ما خرجنا جاله تليفون ولقيت وشه أحمر .. وهو عمال يضيع ولقيته بيقول معلش يا جماعة اصل مراتى رايح اوديها لامها .. اما هيما استأذن فى هدوء بعد مكالمة زيكو وقال معلش يا جماعة مضطر امشى اصل عندى شغل بكرة بدرى...بصيت لتموور وقلت له يالا قول الحجج انت كمان ،قاللى حجج ايه يا عم بطيخة ده أنا معاك،قلتله جدع يا تموور شفت زمن الرجالة ايوه كده خليك راجل عجبنى يا واد والكلام خدنا والمشاريب والشيش نزلت وفى آخر القعدة واحنا مروحين لقيت تموور بيقولى اركن عند سوبر ماركت هاجيب حاجة..ولقيته راجع بيقول الراجل معندهوش لبان اصل كنت عاوز لبان ضرورى علشان مراتى بتشمنى وانا داخل البيت ومش طالبة تحصلى مصيبة ..قلتله وحياة أمك والنفخ اللى عمال ادهولك من ساعتها ده ايه،قاللى بكرة تعرف .زمن الرجالة انتهى يا بطيخة .روحت البيت وطبعا أمى سمعت صوت العربية قالتلى جيت يا منيل ..قلتلها وانا فارد صدرى آه جيت فى حاجة ..ايه حبوب الشجاعة اللى انت واخدها دى ..هو كده من هنا ورايح انا راجل البيت واللى نايم جوه ده ايه...قلتلها مش هو بيخاف منك ..شوفيه لا يكون بياكل لبان وهو مروح مكملش الكلام ... وعينكوا ما تشوف الا النور

هههههههههههههههههههههههههههههههههههه

تعرفى بس لولا ممنوع انى اتكلم هنا يا ضى كنت اتكلمت

موضوع جميل

qqqq

ههههههههههههههههههههه
ههههههههههههههههههههههههههههه

بس لا مش للدرجة دية في ستات بتعرف تكون محترمة جوزها تماما
وبعدين خير الامور الوسط ياضي مش لازم الراجل بس اللي يزعق الست بردة بتزهق بس الراجل بردة ماينفعش تحرجة كدة قدام اصحابة الكلام دة وهما مع بعض لكن المفرورض الست الكويسة والراجل الكويس بردة يحترموا بعض تماما قدام الناس

بس قصة حلوة اوي
تسلم ايدك

ههههههههههههههههههههههههههههههه
جميل يا ضى بس اكيد طبعا مش كل الرجاله
هى فعلا بقت نادره اوى دلوقتى انك تلاقى راجل بجد
بس اكيد موجود
مشكوووووووووووره يا جميل

ويطلع عين أمه علشان يجيب الفلوس للهانم اللى قاعدة فى بيتها تصرف وتبعزق
مشكوره ياضى على القصه الجميله دى

هههههههههههههههههههههههههههههههههههههههههههههههههههههههههههههههه

بصراحه الراجل مظلوم ياضي

او احنا مظلومين اهه خليكو شاهدين

اننا مظاليم

يعني الواحد يتعب في الشغل ويروح البيت بقي يلاقي احلي واجمل نكد النهرضه

ههههههههههههههه

مشكور ياضي علي الموضوع

مشكورين احلى شباب للمتابعة والمرور
الموضوع فكاهى مش اكتر يا شباب
نورتونى كلكم

ههههههههههههههههههههههههههههه يالهوى يا ضى ايه ده بس اكيد مش كلهم تقبلى تحياتى bnn

طبعا كرمالك مش كلهم
لا تفقدى الامل كرمالك
ههههههه
شكرا حبيبتى على المرور

» سوال يطرح نفسة الرجالة عايزة اية