- ما سبب مضايقة الشاب للبنت في الاسواق...؟؟؟
ده طبيعه عند بعض الشباب يعني شخصيتهم كده بيحبوا يسمعوا كلام مهما كانت البنت محترمة ومحتشمه بنلاقي شباب بيسمعوها كلام يعني مافيش بنت هتهرب من كلام دول الشباب اللي طبيعتهم كده وكمان في بنات بيخلوا النوع ده من الشباب يتكلم اكتر لانهم بيكونوا لابسين هدوم مبالغ فيها بالضيق او القصر او بتكشف او شفافه
بس بالمقابل في كتير شباب محترمين مهما يشوفوا بنات لابسين هدوم ملفته للنظر مش هيتكلموا ولا يسمعوها اي كلام
-هل تعتقديين ان الشباب هو من يبدأ في معاكسة البنت...؟؟؟؟
اه هو اللي بيبدا
_ ماسبب عدم احتشام البنات اثناء خروجهم...؟؟؟؟
علشان يلفتوا نظر الناس ليهم ماعندهمش ثقة بنفسهم بيفتكروا انهم لو عملوا كده الناس هتبصلهم وتشوفهم وده غلط كبير لان الناس هيكون رايهم بالبنات ده مش كويس
-هل تعتقدين ان التفتح هو سبب ظهور هذه الفتن مثل الكليبات والفضائيات الهابطة...؟؟؟؟
هي الكليبات الهابطة بتلعب دور بس كمان ده ضمن شخصيه البنت انها بتحب تعمل كل اللي في نفسها من غير ماتراعي اي حاجة لافيها ولا في اهلها ولا في الناس حوليها يعني مش بتحترم حد وبالتالي ماحدش حيحترمها
كمان مش لازم نحط الحق على التطور والانفتاح احنا ليه بناخد الحاجات السلبيه والوحشة من التطور والتحضر وبنسيب الحاجات الايجابيه فيه يعني بنهتم بالقشور ونترك الجوهر احنا اللي بنختار اما الحاجة الكويسه من التطور والانفتاح او الحاجات الوحشة اللي بتعكس طبيعتنا مش بتعكس التطور نفسه
- هل تدخل اسرتك في انتقاء ملابسك يضايقك ويحسسك بعدم الرضاء عن نفسك...؟؟؟؟
لا ابدا لانهم عايزن مصلحتي وعايزيني اكون محترمه وكويسه في عيون الناس اللي بتحكم على الاخرين من خلال ملابسهم
-تعتقدين ان ملابس البنت تفرض احترامها عند الخروج من بيتك...؟؟؟؟
اه بتفرض احترام الناس بس مش بتخلي الشباب مايسمعوها كلام وتلطيش لان النوع ده من الشباب بيوقفوا بالشوارع ويمشوا في الطرقات علشان الكلام الفارغ وبس
- مامدى تاثير اصدقائك على طباعك وشخصيتك...؟؟؟
هم بيأثروا عليا بس مش في كل حاجة يعني بيأثروا عليا تأثيرات ايجابيه مش سلبيه لانهم كويسين
بس مش معنى كده ان البنات لازم مايهتموش بنفسهم وبملابسهم وبمظهرهم بالعكس لازم يهتموا بمظهرهم جدا بس بالحدود المقبولة من غير مايدايقوا حد او حد يدايقهم
ميرسي جدا همس الدموع تقبلي مروري