زوج الام وزوجة الاب

مع احترامى للكل الامر ده بالذات فيه وقفه احنا بشر قبل اى شئ ومفيش شئ اقدس من حق الحياه
الوضع اللى بتكلم فيه صعب جدا مفيش انسان فى الدنيا مهما كانت حنيتوا وطيبه قلبوا انه هيكون زى ابوك وامك وحنيه قلبهم عليك الاتنين الوحدين اللى فى الدنيا اللى بيحبوك بدون ما ينتظروا منك اى مقابل صعب جدا على الواحد انوا يشوف حد مكانهم فى البيت
هتكون حياه مليانه مشاكل وهيتاخد الامر بحزازيه اوى ممكن الواحد يتقبل مرات الاب لكن زوج الام شئ مستحيل وربنا يعوزنا ويعفينا من الامر ده ويحسن عاقبتنا وعاقبت المتقين ويباركلنا
فى والدينا ااااااااااااامين

شكرا هتسبنى على الرد وانت بتسال سؤال وهو
يا اما هتقبلى بالوضع الجديده
يا اما ملكيش عندى لا مصاريف ولا اهتمام ولا اى حاجه
هيكون ايه اختياركم ؟
الوضع مختلف فى الامرين بمعنى ان لو والدى هو اللى حيتجوز يبقى اكيد موضوع المصاريف ده منتهى مع زوجة الاب لانها مش هى اللى حتصرف عليا طبعا لان والدى هو اللى متكفل بمصارفى ولكن برده وربنا يبعدنا جميعا عن مثل هذه الظروف لو اتعرضت لموقف زى كده حسيب البيت واروح اعيش مع جدتى وانه لا بديل لامى (ده مستحيل بالنسبة لى ) ،ولكن يكون السؤال التانى والأصعب اذا كانت امى تريد الزواج من شخص وانه هو اللى حيتكفل بالمصارف؟؟؟ يبقى الحل ايه؟؟؟حبدا اروح بتفكيرى لوالدى هل هو حى يبقى المفروض يصرف عليا حتى لو فى انفصال بينه وبين الأم ،طيب هل هو ميت؟؟ يبقى له معاش مثلا ممكن يساعدنا بالمصاريف،واذا لم يكن هذا ولا ذاك يبقى ايه العمل؟؟؟انا بفكر بصوت عالى معاكم، فى هذه الحالة حسيب البيت واسيب أمى لانها اختارت الزواج من شخص اخر غير والدى وده معناه انها اختارت تبعد عنى واتجه الى احد اقاربى سواء كان خالى او عمى يبقى اولى يصرف عليا من هو من لحمى ودمى عن ان يصرف عليا رجل غريب
الموضوع كبير وجامد قوى هتسبنى بجد وده يمكن اكتر موضوع تشعبت به افكارى فى اكثر من اتجاه
"يا رب اغفر لى ولوالديا وخليهم لى يا رب فى احسن صحة واحسن حال واحفظ بيتى امنا يارب"
شكرا هتسبنى بجد

مشكور هتسبنى لمتابعة الموضوع ومراحلة ونكمل وسؤال حضرتك
توقعك وتوقع باقى الاعضاء للابناء هيكون بكره بتاعهم شكله ؟
فى ظل هذه الظروف ومع تتابع الاحداث لا اتوقع مستقبل مشرق لا للولد ولا للبنت بل بالعكس حيبقى فى احساس باليتم فى وجود اب وام على قيد الحياةواحساس بالظلم والخوف وعدم الاطمئنان للمستقبل
وكمان خوف من الاقبال على الزواج لحسن تتكرر ماساة موالده ووالدته ويظلم اطفاله وتتكرر الدائرة مرة تانية
ولكن لو تفاؤلنا شوية ونقول ان زوجة الاب ممكن ولو 10 % انها ممكن تكون انسانة كويسة ومش ظالمة ولا متسلطة ممكن يكون الامر اهون شوية وبالنسبة لزوج الام (ده مرفوض تماما بالنسبة لى ) ولكن بتكلم بصفة عامة ممكن يكون انسان طيب وكويس ومحدش يعرف الخير فين ولكن فى كلتا الحالتين سواء كان زوج ام أو زوجة أب فان النتيجة أو بكرة حتكون اشواك ومرارة
وربنا يرحمنا برحمته فهو احن على عباده من عباده
وشكرا هتسبنى بجد وتقبل مرورى

مبدأيا شكرا على الموضووع والاسئلة مهمة وصعبة
بس انا من رأيى ان الاتنين مرفوضين بس ممكن اوافق على زوجة الاب
لان الاب بيكون محتاج حد ياخد باله من احتياجاته والكلام دة
لكن الام اكيد اكيد اكيد مقدرش اوافق لأن صعب جدا انك تشوف الام مع راجل عير ابووك حتى لو كان زوجها
ودى زى غريزة جوة الواحد او ممكن انا مش عارف اعبر بس مستحيل اوافق زووج الام وكمان عشان دايما الراجل هوة اللى بيكون متحكم فا مش تستحمل ان واحد غير ابووك يكون مكانه لكن زووجة الاب ممكن تستحملها عن زووج الام
وفى الاول وفى الاخر الاتنين مرفوضين
ولو حد شايف ان كلامى فيه حاجة مش مظبوطة يدينى رأيه

هو الاب يحمد ربنا ويقع ساكت واولاده
ياخدوا بالهم منه مشكور يا عمده