الام اللى مش ام

موضوع: الام اللى مش ام الإثنين مايو 12, 2008 2:29 am

السلام عليكم
هذه الام هى المسئوله بعد وفاة زوجها ولها بنتين ما شاء الله فى الازهر ومتربين وعارفين ربنا
المشكلة ان الام دى بعد وفاة الزوج وهو رب الاسرة اتغيرت 180درجة بمعنى انها حياتها بقت على النت والشات تكلم دة وتكلم دة والموضوع وصل معاها الانها ممكن تتجوز كمان من على النت ودة فعلا بقى شغلها الشاغل ونسيت ان عندها اولاد محتاجينها فى الوقت دة بالذات اكتر من اى وقت تانى وطبعا هى ولا على بالها لدرجة انها تيجى من الشغل على النت على طول وتفضل كدة لحد المغرب تقريبا يكونو البنات حضروا الغداء تتغدى وبعدين اذا كانت تنام ساعة ولا حاجة وبعدين تصحى تكمل وتفضل كدة لحد ما تروح الشغل تانى يوم تخيلو انها حتى مبتنمشبتتكلم حتى فى ساعات الليل المتأخرة وفى الفجر كمان ولا هما اى حاجة وكل ما الاولاد يتكلمو معاها تقول لهم تاكدو ان دى فترة وهتعدى لكن هى كدة بقى لها دلوقت سنة وكمان الاولاد هم اللى بيعملو كل حاجة وهى تقريبا اختفت من حياتهم ودلوقتى البنتين بقو حسين انهم يتامى اب و ام
اناعاوزة اعرف رأيكم فى الام دى ؟
ولو فى حل ايه هو؟

احب اقولك
الف شكر علي الموضوع

وعلي الام دية المفروض بناتها يكلموا حد من العائلة يكلموها علي التصرفات دية بدل اما يسكتوا
والواحد ميقدرش يقول غير اعوذ بالله من الشيطان اللي خلها كدة

وزي مابقولك لازم يكلموا حد كبير في العائلة يكلموها لان الوضع دة مايتسكتش علية
لان كدة ممكن العيال بجد تضيع وتتبهدل

ربنا يهدي الجميع يارب
ويارب يهديلهم امة ويحسن تصرفاتها
الف شكر ليكي توتا

شكرا توتا على الموضوع
ربنا يهدى الاول لحسن فى ناس بتبقى مدمنة كمبيوتر ونت وشات بس هو فى حاجة يا توتا انتى بتقولى بعد وفاة الاب اتغيرت 180 درجة وده معناه ان دى مش طبيعتها وانها فقدت شىء غالى جدا وبتحاول تعوض فراغ هذا الشىء بالكمبيوتر
وانا شايفة ان البنات تحاول تكلمها الاول ويقولوا لها انهم محتاجينها وعاوزين حضنها وقربها منهم ولو ما امكنش يكلموا حد فى العيلة له تاثير عليها علشان يكلمها ويوضح لها تصرفاتها
وربنا كبير ويهدى الجميع يارب

شكرا على الموضوع بس انا رئى انا اولادها يكلموها ويعرفو هى بتعمل كدة ليه
ولو لازم الامر المفروض حد كبير من العائلة يتدخل ويحل الموضوع وربنا يهديه يارب
المفروض انه تهتم باولادها انا رئيى انها ممكن تكون حصلها صدمة او حاجة
ربنا يهديها

شكرا جدا لمروركم وشكرا ليكى يا بينك وشكرا ليكى يا ضى القمر وشكر لدنيا الاحزان ويارب الموضوع يكون عجبكم

شكرررررررررا على اهتمامك

المفروض البنات دول يكلمولها حد كبير فى العألة ولو مافيش حل يروحوا يعيشوا مع حد تانى من اقاربهم على الأقل هياخد بالة منهم وهايحافظ عليهم وهى بعد كدة هتحس بغلطها وممكن
ترجع عن الى هى فية دة
وشكرا على الموضوع

» ايه اللى بيسوء السمعه البنت....وايه اللى بيسوء سمعه الولد
» زوج الام وزوجة الاب
» انتبة عيد الام حرام شرعا
» اسباب الخلاف بين الام وابنتها
» اعشاب تفيد الام اثناء الحمل