ترضى تروحى بيت حبيبك, بس و هو لوحده

هتسبنى بجد ؟ كتب:

السلام عليكم

ازيكو يا كريزاوية

لاحظت فى الفترة الاخير ان الجرأة زادت عند البنات و وصلت لدرجة ان فى بنات بقت تروح بيوت الشباب اللى على

علاقة عاطفية معاهم او علاقة صداقة من غير اى احراج و لا من غير ما يهم البنت حاجة سواء كلام الناس او الخوف

من اللى ممكن يحصل

ايه اللى ممكن يخلى البنت تعمل كدا

للبنات : ترضى تروحى بيت حبيبك او حتى خطيبك و هو لوحده فى البيت او حتى معاه حد من اخواته ؟

للشباب : ترضى تخلى حبيبتك تجيلك البيت و انت لوحدك او معاك حد من اخواتك الصغيرين

مشكور على موضوعك يا ميدو طبعا غلط جدا اى بنت تروح لحبيبها او خطيبها دى تبقى مش محترمه فين هنا الاخلاق والقيم الى اهلها علموهلها لازم كل بنت تتقى الله فى كل حاجه بتهعملها حتى ولو مع نفسها وتفكر فى كل شىء اذا كان صح او غلط ولازم الخطيب هو الى يجى البيت مش هى الى تروح هى الايه اتقلبت ولا ايه انا شوفق قصه من يومين على قناه الحياه شاب اتقدم لفتاه وضحك عليهم ورسم الادب والاخلاق وقالهم انا بابا مسافر وامى مشلوله ومش بتتحرك وطبعا الاهل رحبوا ووفقوا عليه والبنت شافته فرحت بيه وحبيته هى مروحه قالت فى بالها انا ليه مروحش اشوف حماتى اكيد هو هيفرح لما اروحلها واشوفها عشان هى مشلوله طبعا مقلتش لاهلها والله اعلم هو عارف انها جايه ولا لا بس اكيد الموبيلات بقى اكيد كلمها وهى بسزجتها وهبلها راحت وخبطت على الباب فامه فتحتلها الباب وقالتلها خطيبه ابنى اتفضلى طبعا الفتاه استغربت قالتها يا طنط مش انتى مش بتتحركى من البيت قالتلها ما اهو انا لما شوفت خفيت طبعا البنت الهبله دخلت فالولد رحب بيها وقالها هعملك احلى عصير عمل العصير وحط فيه منوم وقدمه للفتاه المسكينه وشربتالبنت العصير وطبعا راحت فى سابع نومه امه راحت على اوضتها وابوه كان معاه فى الشقه ومنه لله والله حسبى الله ونعمه الوكيل فى الولد ده اعتدى عليها وصورها فيدو فقامت من نومها لقت نفسها عريانه طبعا قالتله هو ايه الى حصل انت ليه عملت كده قالها انا كده ومش بتاع جواز قالتله طيب وليه عملت فيا كده قالها والله انتى الى جيتى لحد البيت فخرجت من الاوضه لقت امه وابوه قالتلهم منكوا لله قالولها يابنتى هو بيضربنا ومش بنقدر عليه ايه جابك عنده فالبنت خرجت على اهلها وحكتلههوم طبعا يارب محد يشوف كده فى بناته ولا فى اى حد وغير كده اخد دهبها وموبيلها وتهديد وقله ادب طبعا عشان مطولش عيب اى بنت تذهب لاى شاب ولو ايه بالذى ويارب كل بنت وكل ولد يفكروا انه عنده اخت واميقدر حد يعاكسهم حتى وهى تفكر فى نفسها وفى اهلها وسمعتها ونتقوا الشبهات رسولنا وصانا بكده اتقوا شر الشبهات يارب اهدينا جميعا ونفكر بعقلنا مش نخلى عواطفنا هى الى تتحطم فينا بجد جميل موضوعك يا ميدو وياريت كل بنت تخاف على نفسها تقبل مورورى ويارب اكون متقلتش باكلام

بيت اية اللى البنت تروحو مع حبيبها ولا خطيبها؟؟؟؟لا مش معقول الجراءة وصلت للدرجة دى انا بشوف تجاوزات اه انهما تروح بيت خطيبها او حبيبها لية يعنى باى منطق؟؟؟؟؟؟؟
انا بحس ان المجتمع والناس بقو مقسومين نصين نص عايش ف دنيا ونص تانى عايش ف دنيا تانية خالص ومحدش عارف حاجة عن النص التانى


انا بالنسبالى استحالة من استحالات الزمن انى اعمل كدة ولا حتى لو مكتوب كتابنا انا مع اهلى اروح واجى معاهم لحد مبقى قدام ربنا وقدام الناس زوجته لكن غير كدة لالا

وربنا يهدى واتمنى من كل بنت انها تعقل الكلام الاول قبل ماتاخد اى قرار ومش عشان الحب تخسر عقلها وكرامتها


وبكرر مرسى ليك جدا ع مواضيعك الجميلة جدا

لاطبعا استحاله اروحله البيت
الظاهره دى انا شوفتها كتير
بس انا عمرى مااقبل بكده حرام وعيب وغلط وكل حاجه
وانا لو عملت كده هسقط فى نظره قبل مااسقط فى نظر نفسى
نايس توبيك

اولا : شكرا ليك هتسبنى بجد على الموضوع الجميل

ثانيا :احب اعلق على الجملة دى
ايه اللى ممكن يخلى البنت تعمل كدا
انا عاوزة اقول حاجة قبل ما احكم على البنات اللى بتعمل كده واقول ده حرام وغلط وعيب ومايصحش والكلام ده ، هل هذه البنات عرفت دينها بطريقة صحيحة ،هل اتربت ونشأت فى اسرة هادئة ووجدت ام حنونه تعرفها الصح والغلط وتسمع لها وتضمها بحنية لحضنها وتسمع مشاكلها ،،،،هل وجدت الاب اللى يربى ويشد ويرخى ويقسو ويحنو ،،هل حست بالأمان؟؟ هل وجدت من يتابعها فى لبسها وكلامها وتصرفاتها ومعرفة اصحابها وطريقة تفكيرها وطموحها ،،،قبل ما نحكم على التصرف ..نشف سببه ايه وايه اللى يوصل البنات لمثل هذه التصرفات
ومن ناحية تانية حفترض ان البنات دى اتربت صح وعلى معرفة بقدر من دينها وتعرف القيم والاخلاق وبالرغم من كده بتتصرف غلط وتتصرف زى ما حضرتك قولت وتروح لشاب منزله سواء كان حبيبها او خطيبها المهم يعنى انه مش زوجها ومن وجه نظرهم دى حرية وانها مش حتعمل حاجة غلط وانها واثقة فى نفسها وخطيبها وان مش ممكن الشيطان يدخل بينهم وانها عاوزة تتخلص من الافكار والعادات القديمة فاحنا الان فى عصر التكنولوجيا والناس طلعوا القمر فده بقى حرام حرام حرام حرام ونتيجته ندم فى وقت بيكون فات معاد الندم ويقول رسولنا الحبيب عليه افضل الصلاة والسلام فى تحريم الخلوة
"اياكم والدخول على النساء "فقال رجل من الانصار يا رسول الله ! أفرأيت الحمو ؟قال :"الحمو الموت" . ومعناه باختصار ان الخلوة تؤدى الى هلاك الدين ان وقعت المعصية
شكرا كتير هتسبنى بجد
واسفة للاطاله

السلام عليكم ورحمة الله وبركاتو
طبعا غلط جداااااااااااااااااااااااااااااااااااااااااااااا ان البنت تروح طبعا عند بيت حبيبها او خطيبها وهوه لو كان بيحبها طبعا كان هيخاف عليها وعلى كلام الناس عليها وحتى لو كلمة صغيرة مش هيستحمل نص كلمة عليها والعيب اصلا على البنت وعلى البيت الى مش متابعها فلو كانت تربيتها كويسة عمرها ما كانت هتعمل حاجة زى كده ولو ايه
وشكرا على التوبيك تسلم ايدك جميل بجد