فين يا ناس المسلمين
فين طريقهم راحوا فين
فى العراق الحرب دايرة
والمكاسب ديه لمين
ناس تشوف الظلم ساكته
وناس تخلى النار نارين
والسودان بتغلى رخرة
حد سائل مين وفين
دم سايح من نفوسنا
بيه بيحيا السفاحين
والامان بالظلم حاير
يشتكى المظلوم لمين
يقتلوا المسلم فى بوسنة
يصرخوا لاء مظلومين
والمجازر والمدابح
رخرة تصرخ كدابين
شاهد العالم وسامع
برضه ودنه من عجين
ياللى سامع برضه قلى
فين طريق العدل فين
والمدابح مستمرة
باسم عدل وروح ودين
اشهدوا يا ناس وديه
صرخة من مسلم حزين