استفسار لكل من الولاد والبنات

مشكور هتسبنى على موضوعك الجميل واجابة سؤالك بصراحة صعبة شوية بس انا اعتقد ان الواحد يسأل قلبه هو بيحب مين فى الاتنين والمفروض ان القلب حيكون ميال لواحد بس فيهم وتبقى مشكلة تانية حتسبنى لو القلب بيحب الاتنين تفتكر يبقى حلها ايه؟؟؟؟؟؟؟؟؟

مشكوووووووووووووور هتسبنى على الموضوع الجامد ده
عندى تعليق على سؤالك ؟انا رايه انها تبعد عن الاتنين احسن علشان تريح دماغها
سؤالى بقى ؟؟
ليه دايما لما بيحب بنت ويحصل حاجه تفرق بينهم يحب اوى بعدها بسهوله خالص ولا اكن قلبه اتجرح ؟؟

شكرا يا مستر هتسبنى بجد على موضوعك
انا هجاوب على سوال لى لى لان الشاب
فى طبعه حب التملك لو زهق خلاص فى غيرها
وزى مقل هتسبنى بجد محبش البنت بجد هو لغرض
التسليه بس تضيع وقت بس انا اسف لو هنجرح حد
مندى .... العاشق بلا حدود

ليه معظم البنات بيلتزمو اوى فى رمضان وبقيه السنه مش قوى
مع ان ربنا متطلع على عمرنا كله اشمعنا رمضان يعنى
هقولك اشمعنا لان رمضان شهر للعباده فقط واكيد طبعا اى بنت بتبقى مش عاوزه تخسر الشهر الكريم ده
وتطلع منه بتغفير لذنوبها ...بس انا بدايق اوى من البنات الى بيبقوه مش محجبين ويتحجبوه فى رمضان
وبعد رمضان يشيلوه الحجاب تانى ,, بس اعتقد ان الشباب كمان لما يلاقوه بنت فى الشارع بيعكسه
بس فى رمضان مش بيعمله كده
حتى فى رمضان برده فى الكليه مثلا بتلاقى ولد كان بيعد مع شله بنات فى رمضان مش يجى الكليه او
مش يعد معاهم
يارتى ايه السر فى كده برده وده يبقى سؤالى ليكم؟؟؟؟؟؟؟؟
ربنا يهدينا جميعا

ليه معظم البنات بيلتزمو اوى فى رمضان وبقيه السنه مش قوى
دايما السؤال ده بيراودنى ويحيرنى كتير ويمكن بيكون الالتزام من البنات وحجابهم وعدم وضع المكياج فى رمضان بالذات لان شهر رمضان تصفد فيه الشياطين والحسنة تتضاعف لعشرة وممكن لمائة واكيد الكل بينتهز هذه الفرصة ليكسب حسنات كثيرة وكذلك هتسبنى تجد الجوامع مليئة بالشباب والرجال والمحافظة على الصلوات الخمسه فى مواعيدها وفى الجامع بما فيهم صلاة الفجر والتراويح طبعا ولكن انا اتمنى ان ارى الالتزام فى جميع شهور السنة ورب رمضان هو رب شعبان وهو رب السنة كلها
وسؤالى:
ما هى العلاقة الصحيحة بين الشاب والفتاة فى الجامعة وما هى حدودها ؟

مشكورين على المرور والتفاعل
لى لى السؤال حالل نفسه بمعنى
ان احنا دلوقتى نوعا ما الدنيا لهيانا شوية عن الدين وبنعمل اقل حاجه يعنى معظم الشباب مبيصلوش
لكن متلاقيش واحد مبيصليش الجمعه ودا مثل طبق الاصل من مثل التزام البنات فى رمضان وبقيه السنه لاء
اللى بحس بيه ان رمضان وصلاة الجمعه دول حاجه مقدسه اوى عندنا ومينفعش محدش يقوم بيها ولاسباب اهمها ان يوم الجمعه بيكون اجازه وبيكون كل الاسره موجوده والاب واخد باله كويس من ولاده وشهر رمضان بيكون الوالد حريص على التزام البيت كله فى الفتره دى يعنى لو البنت مش لابسه حجاب والدها ووالدتها بيقفو ليها فى الفتره دى الى جانب انها بتلاقى كل اللى حواليها بيكونو ملتزمين
مجمل الاسباب لده ان رب الاسره مش حريص على دينه بالشكل اللى المفروض يكون عليه والاولاد بيطلعو بيلاقو والدهم كده هيطلعو ايه بقا علماء

بالنسبه لسؤال ضى
العلاثه الصحيحه بتتحدد بطبيعه الاشخاص واللى هما عاوزينه واللى بيفكرو فيه
وعلى فكره الجامعه فيها كل حاجه ممكن تتخيليها وكل الامثله موجوده قدامنا كل يوم
يعنى هتلاقى فى صداقه مابين ولد وبنت
وهتلاقى اخوة مابين بنت وولد
وهتلاقى تسليه مابين بنت وولد
وهتلاقى حب بجد مابين بنت وولد
وهتلاقى استغلال ومصلحه مابين ولد وبنت
كل الامثله موجوده قدامك وكل شخص بقا وحسب احتياجه هوه عايز ايه من الامثله دى
بالنسبه للحدود لازم نكون مشغلين عقولنا وواعيين لكل شخص حوالينا
ونكون عارفين وفاهمين الشخص دا عايز ايه وهل اللى هوه عايزه دا هيتوافق مع اللى انا عايزه يعنى على سبيل المثال الشخص اللى قدامى عايز نكون اصدقاء هل انا موافق على الشخص دا ولا لاء وهل هيتوافر فيه شروط الصداقه
بعد دا كله وبعد التفكير الصح هتكونى عارفه وفاهمه حدودك كويس
ملحوظه اخيرة كل شخص مننا بيمر بعلاقات فى الجامعه سواء صداقه او اخوه او حب وبتنتهى بفشل وصدمه فى الشخص اللى انا كنت واثق فيه المهم فى دا انى انظر للموضوع دا على انه موقف هتعلم منه ازاى اختار الشخص المناسب مش اقول الدنيا اتقل خيرها
زى مافى خير فى شر
والانسان اكتر حاجه بتعمله فى الدنيا المواقف لانها بتجرحه والجرح بيعلم فى الواحد
اتمنى اكون جاوبت على سؤال لى لى وضى


سؤالى للبنات
ايه شعورك لو حبيبك باع صاحبه عشانك مع العلم ان صاحبه مش هوه الغلطان الغلط كان منك انتى لكن هوه فضلك عن صاحبه ؟

اولا مشكور هتسبنى بجد على اجابتك وهى فعلا اجابة مقنعة جدا وبالنسبة للسؤال
سؤالى للبنات
ايه شعورك لو حبيبك باع صاحبه عشانك مع العلم ان صاحبه مش هوه الغلطان الغلط كان منك انتى لكن هوه فضلك عن صاحبه ؟

الانسان اللى يبيع صحبه سواء كان غلطان او مش غلطان علشان اى حاجة او اى حد يبقى ممكن يبيعنى انا برده علشان اى سبب او حد تانى ، كلمة البيع دى كلمة وحشة جدا والانسان اللى يتصف بهذه الصفة يبقى انسان مالوش امان لا معايا ولا مع غيرى
وسؤالى انا
هل اول حب يفضل تاثيرة طول العمر

مشكورة يا ضى على المرور والتفاعل
واجابه سؤالك من وجهه نظرى ان الحب الاول بتفضل منه حاجه جوه الانسان
لانه بيكون اول حب وبيكون حب بجد وبتعرفى يعنى ايه حب فعلا
الى جانب بتعرفى منه ايه المسئولية اللى بتوقع عليكى تجابه الطرف التانى لانك قبل اول حب مبيبقاش عندك فكره يعنى ايه حب
لكن لما بتمرى بيه بتعرفى وبتبداى تكتشفى كل ما فى الحب
وبتجربى الاحساس ده
وبعد ما بتمرى بحب واتنين بتحسى ان الحب الاول دا اقواهم وان فى حاجه منه بتفضل جواكى طول العمر

سؤالى للبنات
لو شاب كلمك على النت وتاكدتى من ان الشخص دا محترم وانه هيبقى قد الثقه اللى هتديهاله هل لو طلب منك رقم تليفونك هيكون ايه ردك ؟

مشكورين على المرور يا ضى ولى لى

اجابه سؤالكم انتو الاتنين بتتوقف على الشخص اللى طلب رقم التليفون هل هوه صادق فى صداقته معاكى ولا لاء
وموضوع رقم التليفون دا لو تم هيظهرلك الشخصيه دى بتعزك بدون مقابل ولا فى مقابل
يعنى لو هوه صديق ومعتبر نفسه اخ ليكى عمر احترامه ليكى ما هيقل لانه حريص عليكى اكتر منك
وبيخاف عليكى من اى حاجه ممكن تحصلك
الى جانب انه مش طالب رقم التليفون واجب يعنى لا هوه طالبه لهدف
اهمهم الاطمئنان

اما بقا لو هوه مش صادق مع نفسه قبل ما يكون صادق معاكى
فا اكيد هيتغير ودا هيوضح اوى عليه
وبعدين موضوع التليفون مبقاش صعب زى الاول يعنى لا قدر الله لو شخص طلب رقمك واتغير معاكى دلوقتى بعشره جنيه بتنزلى تجيبى خط تانى
لكن انتى عرفتى انك كنتى مخدوعه فى شخص كان واهمك انه صديق واخ لكن مطلعش كده طلع شخص ناوى على حاجه تانيه

اتمنى اكون وضحت النقطه دى

اما بالنسبه لسؤالك يا لى لى الموجه لي

انا مش هحاسبها على اللى عدى من عمرها وانا مكنتش لسه موجود فى حياتها
لان كل واحد ليه الحق فى حياته
فا انا هيكون حسابى معاها بدايه من يوم ما دخلت حياتها
اما بالنسبه بقا لو هيا بتكلم صحاب على النت وبتكلمهم على التليفون
فا اكيد هكون عارف الناس دى وهكون عارف الشخصيات دى على ايه يعنى هل هيا صادقه من جواها ولا فى هدف ما فى عقلها
وهيكون رد فعلى بناء على اللى هعرفه
لكن انا هيكون قدامى هدف انى احاول على قد ما اقدر انى اخليها مش محتاجه حد واى شىء عايزاه هيكون معايا انا

اتمنى اكون جاوبت على سؤالكم

وانا مش هسئل المرادى لانى مش هكون موجود فى المنتدى لفتره بسيطه فا مش هكون متابع اوى

مشكور هتسبنى على المتابعة والرد وجزاك الله خير

مرسيه اوى ليك يا هتسبنى وان شاء الله تروح وتيجى بالسلامه وربنا يوفئك

انا ردي عليك في موضوع الرقم دة اكيد لا
لان مااعتقدش ان لو عائلتك جت تسالك عرفتي منين الولد دة هتقويلي من النت ودا معناة هتخبي عليهم وانا من راي اللي هتخبية يبقي فية غلط اصلي الواحد لو مش غلاطان اكيد هيقول بكل جراة وانا من راي بردة ان الاغلبية العظمي من البنات مش هيروحوا لاهلهم يقولولهم انا اخدت رقم واحد من النت وكلمتة ولا حتي هتقول لناس هتقول اعرفة من الكلية اي حاجة بس مش هتقول النت
بس دا راي انا

سؤالي بقي لو البنت اديتك الرقم وقابلتك في كليتها مثلا هتبصليها زي البت اللي عرفتها من الكلية وعارف انها حتي مش بتدخل ولا شات ولا حاجة ؟

مشكورة على المرور والتفاعل يا bink

اولا موضوع رقم الموبايل مفتوح للنقاش فى حاله الصداقه والاخواه
وليس لموضوع الاعجاب او الحب

متفق معاكى فى نقطه ان لما بنخبى حاجه يبقى اكيد غلط
لكن فى حاجه ممكن اكون مش مقتنع بيها وراى اهلى هوه اللى هيمشى فى الاخر وهنا هبقى فى مفترق طريقين
يااما هناقش واتفاهم بالعقل ويا اما اى طرف هيقنع اتانى يا اما هصمم على رايى انى هتصرف بعقلى واللى مقتنع بيه

يااما هسمع الكلام وابعد عن التيار عشان المشاكل مع اهلى واللى هيقولو عليه هعمله من غير نقاش

وكل دا بيتحدد من شخصيه البنت فى البيت هيا عامله ازاى بتقول سمعا وطاعه ولا بتناقش وبتتفاهم ولا دايما ضد التيار

لو البنت فى مساحه نقاش وتفاهم بينها وبين اهلها ساعتها هتبقى صريحه مع اهلها فى كل حاجه وهتروح وتقولهم ايوه كلمت واحد من على النت لان النت زى ما عليه الوحش عليه الحلو وعليه حلو اوى كمان

وفى بنات بتبقى خايفه من رد فعل اهلها حتى فى الكليه بتاخد ارقام اصحابها وبتسميهم على اسامى بنات عشان محدش يعرف الخ...

وبعدين انتى مالك فاقده الامل فى النت كده الواحد شايف امثله على النت احسن من الواقع كتير


النظره للبنت ملهاش علاقه لا بدخولها نت ولا شات النت والشات دا عباره عن وسيله للتعارف
شخصيه البنت لما اقابلها هيا اللى هتحدد نظرتى ليها هتكون شكلها ايه

تقبلى مرور